काठमाडौं । साउथ फिल्म ‘डियर कमरेड’बाट चर्चामा आएका अभिनेता विजय देवरकोंडाको नयाँ फिल्मको ट्रेलर सार्वजनिक गरिएको छ । विहीबार अभिनेता विजयको आगामी फिल्म ‘लाइगर’को ट्रेलर सार्वजनिक भएको हो । यो फिल्ममा उनी फाइटरको भूमिकामा देखिएका छन् ।
यो फिल्मका लागि उनले कडा मिहिनेत गरेका छन् भन्ने कुरा सार्वजनिक ट्रेलरबाट प्रष्ट देख्न सकिन्छ । फिल्मको सार्वजनिक ट्रेलरमा विजयको निकै बलियो भूमिकामा देखिएका छन् । ट्रेलरको धेरै भागमा उनले धमाकेदार ढंगले मानिसलाई कुटिरहेका देख्न सकिन्छ ।
धर्मा प्रोडक्सनले निर्माण गरेको यस फिल्ममा विजय देवरकोंडा र अनन्या पाण्डे मुख्य भूमिकामा देखिने छन् । ट्रेलरको कुरा गर्ने हो भने सुरुवात ‘लागर’को विशेषताको वर्णनबाट हुन्छ । जसमा लाइगरकी आमा भन्छिन्, ‘एक शेर र टाइगर की औलाद है ये, क्रस ब्रीड है मेरा बेटा ।’
यो संवादपछि विजय देवरकोंडाको एक्सन अवतार देख्न सकिन्छ । उनी भन्छन्, ‘न म शेर हुँ, न त बाघ नै, म दुवैको मिक्स हुँ लाइगर ।’ यसका साथै ट्रेलरमा विजय र अनन्याको रोमान्स पनि देख्न सकिन्छ ।
लाइगरबाट बलिउड डेब्यू
यसै लाइगर फिल्मबाट विजयले बलिउडमा डेब्यू गर्दैछन् । ट्रेलर अघि विजय देवकोंडाको धेरै लुक्स सार्वजनिक भइसकेको छ । विजय देवरकोंडाको दक्षिण भारतीय फिल्मलाई करोडौंले मन पराइरहेका छन् । ‘लाइगर’ २५ अगस्ट २०२२ मा सिनेमाघरमा रिलिज हुने तय भएको छ ।
यो समाचार नयुज २४ नेपालबाट लिईएको हो।
