काठमाडौं । बलिउड अभिनेत्री कृति सेननले आज आफ्नो ३२ औं जन्मदिन मनाइरहेकी छन् । अभिनेत्री कृतिले आफ्नो करियरमा कयौं हिट फिल्म दिइसकेकी छन् । उनले आफ्नो सौन्दर्य र चुलबुला अभिनयका कारण पनि फ्यानहरुको मन पनि जित्दै आएकी छन् ।
यद्यपी अभिनेत्री कृति आफ्ना फिल्मका कारण मात्रै चर्चामा रहेकी छैनन् । यसबाहेक उनी आफ्नो अफेयरका कारण पनि चर्चामा रहँदै आएकी छन् । यसैबीच उनको नाम स्वर्गीय अभिनेता सुशान्त सिंह राजपूतसँग पनि जोडिएको थियो ।
त्यसोत, कृति सेननको जोडी हरेक कलाकारसँग जोडिदै आएको छ । विशेष गरी दीवंगत अभिनेता सुशान्त सिंह राजपुतसँग उनको अफेयरको निकै चर्चा भएको थियो । उनीहरु दुवैजना पटक–पटक सँगै देखिएका थिए ।
यसका साथै कृति र सुशान्तको फोटोसुटका तस्वीरहरु पनि सार्वजनिक भएका थिए, जसमा कृति र सुशान्तको निकटता स्पष्ट देखिन्थ्यो । उक्त तस्वीरले दुवैको केमेस्ट्रीलाई झनै सुन्दर बनाएको छ । फोटोसुटका उक्त तस्वीरहरूमा सुशान्त सिंह राजपूत र कृति सेननले किलर पोज दिएका थिए । उनीहरुको उक्त तस्विरहरु सामाजिक सञ्जालमा निकै भाइरल भएका थिए ।
कृति र सुशान्तले सँगै गरेका फिल्मको नाम ‘राब्ता’ थियो । यो फिल्ममा पनि उनीहरु दुबैजना निकै नजिक देखिएका थिए ।
यो समाचार नयुज २४ नेपालबाट लिईएको हो।
