काठमाडौं । सारेगमप बंगालका उप विजेता गायक साइराज खातीको सुमधुर स्वरमा सजिएको ‘कसम’ बोलको म्युजिक भिडियो सार्वजनिक भएको छ। प्रेमिल शैलीको यस गीतमा शब्द कुमार मिश्रको रहेको छ भने संगीत अम्बर तुम्बापो सुब्बाको रहेको छ । यस गीतलाई मोहित मुनालले संगीत संयोजन गरेका हुन् ।
गौतम बुद्ध जन्मस्थल लुम्विनीभित्र छायाँकन गरिएको यस भिडियोलाई बुद्ध थापाले खिचेका हुन् । भिडियोमा कमल सिंह र ललना चिमरिया बिचको अनस्क्रीन प्रेम र रोमान्स देख्न सकिन्छ ।
विकाश दाहालले सम्पादन गरेको यस भिडियोलाई प्रकाश धितालको कन्सेप्ट र निर्देशनमा तयार पारिएको हो। भिडियो ‘केके अक्टेभ’ नामक युट्युव च्यानल मार्फत सार्वजनिक गरिएको हो ।
यो समाचार नयुज २४ नेपालबाट लिईएको हो।
