काठमाडौं । दिनेश राउतको निर्देशनमा तयार फिल्म ‘प्रकाश’ले कविता प्रतियोगिता गर्ने भएको छ । १२ वर्षदेखि १८ वर्षसम्मका विद्यार्थीलाई ‘शिक्षकको महत्व’बारे कविता लेखेर पठाउन आह्वान गरेको हो ।
निर्माण पक्षका अनुसार नेपाली र अंग्रेजी दुवै भाषालाई मान्यता दिइएको कविताको लम्बाइ एकदेखि साढे एक मिनेटसम्मको हुनुपर्नेछ । कवितामा पहिलो हुनेले एक लाख रुपैयाँ पुरस्कार पाउनेछन् । साथै, दोस्रो हुनेलाई पनि ५० हजार रुपैयाँ प्रदान गरिने जानकारी गराइएको छ ।
साउन २० गतेदेखि सुरु हुने यस प्रतियोगिता आगामी भदौ २० गतेसम्म चल्ने बताइएको छ । प्रचार–प्रसार अभियानअन्तर्गत प्रदीप खड्का स्टारर् ‘प्रकाश’ले कविता प्रतियोगिता गर्न लागेको हो ।
आगामी भदौ १० गतेबाट दर्शकमाझ प्रदर्शन हुने फिल्ममा प्रदीप खड्कासहित दीया मास्के र रेणु योगीको मुख्य भूमिका रहेको छ । फिल्मलाई महेन्द्र अधिकारीले निर्माण गरेका हुन् ।
यो समाचार नयुज २४ नेपालबाट लिईएको हो।
