काठमाडौं । सन्तोष सेनको बहुप्रतिक्षित फिल्म ‘प्रेमगीत–३’को दोस्रो अफिसियल टिजर सार्वजनिक भएको छ । शुक्रबार प्रदीप खड्का र कृष्टिना गुरुङ स्टारर् ‘प्रेमगीत–३’को ओएसआरबाट नेपाली र जी म्युजिक कम्पनीबाट हिन्दी भर्सनको टिजर सार्वजनिक गरिएको हो ।
फिल्मको सार्वजनिक दोस्रो टिजरमा पनि मुख्य पात्र प्रदीपको चरित्रलाई महत्व दिइएको छ । टिजरमा मुख्य पात्रले राजगद्दी वा प्रेममध्ये एक छान्नुपर्ने संघर्ष नै प्रस्तुत गरिएको छ ।
निर्माण पक्षका अनुसार फिल्मको ट्रेलर भने सेप्टेम्बर १ मा रिलिज हुनेछ । आगामी असोज ७ गतेदेखि नेपाल र भारतमा एकसाथ प्रदर्शन हुन लागेको यस फिल्मलाई सन्तोष सेन र छेतेन गुरुङले संयुक्त रुपमा निर्देशन गरेका हुन् ।
फिल्ममा प्रदीप खड्का र कृष्टिना गुरुङका साथमा शिव श्रेष्ठ, सुनिल थापा, मनिष राउत, अनुभव रेग्मी, क्रिजन गौतमलगायत कलाकारको अभिनय रहेको छ ।
फिल्मको कथा स्व. निर्देशक छेतेन गुरुङ र मन्दिप गौतमले लेखेका हुन् । यसअघि फिल्मका अन्य दुई श्रृङ्खला ‘प्रेम गीत’ र ‘प्रेम गीत–२’ बक्स अफिसमा सफल भइसकेका छन् ।
नेपाली भर्सन
हिन्दी भर्सन
[embedded content]
यो समाचार नयुज २४ नेपालबाट लिईएको हो।
