काठमाडौं । सन्तोष सेनको बहुप्रतिक्षित फिल्म ‘प्रेमगीत–३’को अफिसियल ट्रेलर सार्वजनिक भएको छ । विहीबार ‘प्रेमगीत–३’को ओएसआर डिजिटलमार्फत् नेपाली र जी म्युजिक कम्पनीमार्फत् हिन्दी भर्सनको ट्रेलर सार्वजनिक गरिएको हो ।
दुई मिनेट ११ सेकेन्ड लामो सार्वजनिक ट्रेलरमा मुख्य पात्र प्रेम (प्रदिप खड्का)को लडाईं र प्रेमका आयामलाई प्रस्तुत गरिएको छ । ट्रेलरमा राजयोगमा जन्मिएका प्रेमको जीवनमा गीत (कृष्टिना)को प्रवेशपछि आउने उतारचढावलाई चित्रण गरिएको छ ।
नेपालीहरुको महान पर्व दशैंलाई लक्षित गरी असोज ७ गतेबाट नेपाल र भारत दुवै देशमा एकसाथ प्रदर्शनमा आउन लागेको ‘प्रेमगीत–३’लाई सन्तोष सेन र छेतेन गुरुङले संयुक्त रुपमा निर्देशन गरेका हुन् । फिल्मलाई स्वर्गीय निर्देशन गुरुङ र मन्दिप गौतमले लेखेका हुन् ।
फिल्ममा प्रदिप खड्का, कृष्टिना गुरुङ, शिव श्रेष्ठ, पुस्कर कार्की, सुनिल थापा, सन्तोष सेन, माओत्से गुरुङ, मनिष राउतलगायतको मुख्य भूमिका रहेको छ ।
नेपाली ट्रेलर
[embedded content]
हिन्दी ट्रेलर
यो समाचार नयुज २४ नेपालबाट लिईएको हो।
