काठमाडौं । चर्चित गीतकार ध्रुव प्रसाद अम्गाईको प्रतिक्षित गीत ‘कुरै कुरामा’को भिडियो रिलिज गरिएको छ । भ्वाइस अफ नेपालबाट चर्चा कमाएकी गायिका सुरक्षा सेन्चुरी र सौगात जङ थापाको स्वर रहेको गीतमा दीपेश परियार र अन्जना राउतको कलात्मक अभिनय रहेको छ ।
सार्वजनिक गीतको भिडियोमा प्रेम र रोमान्सका किस्साहरुलाई निर्देशक मुनाल मुनाल शिशिर कोइरालाले बैशालु उमेरमा गहिरो प्रेममा परेका एक रोमान्टिक जोडीलाई प्रस्तुत गरेका छन् । भिडियोमा मोडलद्वय दिपेस र अन्जनाको प्रेम रोमान्सले भरिएको प्रस्तुति जति हेर्यो उति हेरिरहुँ जस्तो देखिन्छ ।
पटक–पटक हेर्दा पनि धित नमर्ने सार्वजनिक गीतको भिडियो सकिएको दर्शकले पत्तै पाउँदैनन् । कारण हो रमणीय स्थानहरु र मोडलद्वयको गहिरो प्रेमाभाव । सुजन श्रेष्ठको छायांकन रहेको भिडियोको सम्पादन सुजन लम्सालले गरेका छन् । एम थ्री मिडिया नेपाल युटुव च्यानल मार्फत बजारमा ल्याइएको भिडियोको रिलिज गरिए सँगै चर्चा सुरु भएको छ ।
लोकप्रिय गीतकार अम्गाईले कहिले रुवाउने कहिले फकाउने त कहिले हसाउने र नचाउने गीत पालै पालो दर्शक स्रोता माझ निरन्तर ल्याइरहेका बहुमुखी प्रतिभाशाली ब्यक्ति हुन् । उनी सामाजसेवी समेत हुन् । एकपछि अर्कों हिट गीतहरु लगातार स्रोता सामु पस्किरहेका अम्गाई विगत २० वर्षदेखि प्रवासमा बस्दै आएका छन् ।
गोर्खाको फुजेल जन्मथलो भएका अम्गाई एक कुसल राजनीति भिजन भएका देश र जनता प्रति चिन्तन गर्ने भोलिका आश लाग्दो युवा हुन् । अम्गाईका चार दर्जन भन्दा बढी गीतहरु बजारमा आइसकेका छन् ।
जमानत गुमायौ, मिलनमा बिछोड, आखा आँखा जुधी, माया कुरा सुनिदेउ, नजुरेको लगन, मखमली चोली, मन खोलेर गाउँ गीत, नभुल्न सक्ने, घरमा कुरा, काले केटा, माया हे माया, माया तिरिरिरी, उनका चर्चित गीतहरु हुन् ।
यो समाचार नयुज २४ नेपालबाट लिईएको हो।
