काठमाडौं । सुमधुर स्वरका धनी हुन् गायक छबि न्यौपाने । गायन विधामा विशेष रुची रहेकै कारण अमेरिकामा बसेरपनि नेपाली गीत–संगीतमा लागिपरेका न्यौपानेको स्वरमा रहेको नयाँ गीत ‘टन्नै माया तिमीलाई’ रिलिज गरिएसँगै यसको चर्चा सर्वत्र चुलिएको छ ।
रियल स्टेट ब्यवसायीका रुपमा अमेरिकामा आफ्नो भिन्न छवी बनाउन सफल उनी आफ्नो व्यवसायलाई थाती राखेर नेपाली गीत–संगीतलाई प्रबर्धन गर्ने कार्यमा निरन्तर लागिपरेको देख्दा उनका साथी, सहयात्री र आफन्तहरुले सँधै उनको प्रशंसा गर्दै आएका छन् ।
यसैबीच गीत–संगीतलाई निरन्तरता दिने क्रममा हालसालै न्यौपानेको आफ्नै स्वरमा सजिएको ‘टन्नै माया तिमीलाई’ बोलको गीतमा छवी न्यौपानेलाई मिलन नेवारले स्वरमा साथ दिएकी छिन् । गोपी दाहालको शब्द रहेको गीतलाई अम्बर तुम्बापो सुब्बाले संगीत र गोपाल रसाइलीले एरेन्ज गरेका छन् ।
अहिलेको समयलाई मध्य नजर गरेर गीत निर्माण गरिएको हो । गम्भीर बिष्टको निर्देशनमा तयार भएको भिडियोमा नवराज उप्रेतीको छायांकन, नबिन निरौलाको सम्पादन र सुबोल थापाको कोरियोग्राफी रहेको छ ।
जसमा नेपाली सांगीतिक क्षेत्रमा निकै रुचाइएको जोडी सरोज अधिकारी र आश्मा विश्वकर्माको बेजोड अभिनय देख्न सकिन्छ । भिडियोलाई रेअल्टर छबि न्यौपाने – सिनसिनाटी ओहाइयोले निर्माण गरेको हो ।
यो समाचार नयुज २४ नेपालबाट लिईएको हो।
