खोटाङ । साहित्यकार तथा गीतकार कृष्णश्री राईको गीत ‘ सातै सुरको सरगम तिमी हौँ’ को म्यूजिक भिडियो सार्वजनिक भएको छ।
प्रबिण बेडवालको स्वर, शंकरसिंह ठकुरीको सङ्गीत र बबुल गिरीको म्युजिक अरेन्जमा रहेको उक्त गीतको भिडियो कुमार गजुरेलले निर्देशन गरेका हुन् ।
सात महिनाअघि ‘मोबाइल भिडियो’ को रूपमा सार्वजनिक गरिएको उक्त गीत सोमबार ‘कुमार गजुरेल’ युट्युब च्यानलमार्फत परिस्कृत गरी म्यूजिक भिडियो सार्वजनिक गरिएको हो।
प्रेमिल जिन्दगी र त्यसले जीवनमा छर्ने सौन्दर्यलाई लिपिबद्द गरिएको उक्त गीतको भिडियोले वर्तमान र विगतलाई प्रेमिल धागोले बाँधेको मात्र छैन बाँच्ने आधार पनि देखाएको छ । साँचो मायालाई समय र मृत्युले समेत दूर नगर्ने मर्मस्पर्शी दृष्य भिडियोमा देख्न सकिन्छ। कर्णप्रिय स्वर र सुमधुर सङ्गीतमा गीतकार राईको बिम्बात्मक प्रस्तुतिले गीत थप मीठास बनेको छ गीतमा गिरी विश्वकर्मा, तुलसी विश्वकर्माका साथमा बालकलाकार लुनिभा श्रेष्ठ गायतको अभिनय देख्न सकिन्छ ।
भिडियो :
[embedded content]
यो समाचार नयुज २४ नेपालबाट लिईएको हो।
