काठमाडौं। बेलायतमा रहेर पनि आफ्नो नियमित व्यस्ततासँगै आफ्नो जन्मभूमि र नेपाली माटोको सुगन्धका लागि कलाकारितालाई बिर्सन हुन्न भन्ने स्रष्टा हुन् प्रदीप कार्की । डेश दशकअघि बेलायत उड्न पूर्व काठमाडौँका रेकडिंग स्टुडियोहरुमा भेटीइरहने उनै गायक प्रदीप कार्कीले सुनै सुनको तिलहरी बोलको गीतको सफलतासँगै अर्को नयाँ गीत तै मायाको भिडियो सार्वजनिक गरेका छन् । नियमित रुपमा भिडियोहरु बनाउने सर्जक मध्येका एक हुन् गायक कार्की ।
आफ्नै स्वरमा सजिएको तै मायाको भिडियो बजारमा ल्याउँदै गायक कार्कीले फेरी आफ्ना दर्शक र श्रोताहरुको माया खोजीरहेका छन् । दोलखामा जन्मे हुर्केका गायक कार्कीले शुक्रबार सार्वजनिक गरेको गीतको शब्द र संगीत दीपक शर्माको रहेको छ । जसमा रिकेश गुरुङको एरेन्ज रहेको छ भने किशोर थापाको मिक्सङ तथा मास्टरिङ रहेको छ ।
डान्सिङ शैलीमा तयार तै माया सुन्ने हरेक दर्शकलाई यो गीतले छमछम नचाउने विश्वास गायक कार्कीले लिएका छन् । जसमा मोडलद्धय सुनिल क्षेत्री र एलिशा शर्माको अभिनय देख्न सकिन्छ । आफ्नी मायालुको वर्णन गरेका प्रेमीका रुपमा देखिएका सुनिलले भिडियोमा एलिशालाई चोखो प्रेम दर्शाएका छन् । तँ सम्बोधन गरिएको गीतले एक प्रेमील जोडीको प्रेम सम्बन्ध र निकटतालाई देखाएको छ ।
दुर्गा पौडेलको छायांकन रहेको भिडियोको सम्पादन विकाश ज्ञवालीले गरेका हुन् । गायक कार्कीका यसअघि सुनै सुनको तिलहरी, यो जिन्दगी, मेरा लागि तिमी भन्दा, बिचै बाटो, लगायतका दर्जन बढी गीतहरु बजारमा ल्याइसकेका छन् ।
[embedded content]
यो समाचार नयुज २४ नेपालबाट लिईएको हो।
