अभिनेता टाइगर श्राफ र अभिनेत्री दिशा पटानी अभिनित चलचित्र ‘बागी २’ ले बक्स अफिसमा शानदार सुरुवात गरेको छ । चलचित्र ‘बागी २’ ले प्रदर्शनको पहिलो दिनमै २५.१० करोड रुपैयाँ कलेक्सन गर्दै सन् २०१८ साल भरीकै पहिलो दिनमा धेरै ओपनिङ्ग गर्ने चलचित्र बन्न सफल भएको छ ।
एक्सनले भरपुर अभिनेता टाइगर श्राफको फिल्म ‘बागी २’ ले यो साल रिलिज भएका पद्मावत र प्याडम्यानसहित सबै फिल्मलाई पछारिदिएको छ ।
यस फिल्मले घरेलु बक्स अफिसमा कुल २५.१० करोड कमाई गर्न सफल भएको छ । जुन यो वर्ष रिलिज भएका सबै फिल्मको भन्दा धेरै ज्यादा हो । बलिउड बजार एनालिस्ट तरण आदर्शले यस फिल्मको आम्दानीको आँकडा सार्वजनिक गरेका हुन् ।
‘बागी २’ लाई विश्वभर ४१२५ स्क्रिनमा रिलिज गरिएको छ । यसलाई भारतमा ३५०० र ओभरसिजमा ६२५ हलमा देखाइएको हो । यसका बाबजुद फिल्मको आम्दानीलाई उत्कृष्ट मानिएको छ ।
यो फिल्म सन् २०१६ को हिट फिल्म बागीको सिक्वेल हो । जसले बक्स अफिसमा शानदार कमाई गरेको थियो । बागीमा टाइगर श्राफ र श्रद्धा कपुर मुख्य भूमिकामा थिए । बागी २मा टाइगरसँगै दिशा पटानी मुख्य भूमिकामा छन् । दुवै कलाकार पहिलो पटक ठुलो पर्दामा एकसाथ देखाइएको छ ।
चलचित्रमा यो जोडीको साथै चलचित्रमा मनोज बाजपेयी, रणदीप हुड्डा र प्रतिक बब्बरको पनि महत्वपूर्ण भूमिका रहेको छ । साजिद नाडियाडवाला र फोक्स स्टार स्टुडियो निर्माणमा बनेको बागी २ को निर्देशक अहमद खानले निर्देशन गरेका हुन् ।
यो समाचार नयुज २४ नेपालबाट लिईएको हो।
