चलचित्र ‘लिलीबिली’को प्रिमियर जापानमा हुने भएको छ यसै शिलशिलामा नायक प्रदीप खड्का र नायिका जसिता गुरुङ जापान पुगेका छन् । आज आइतबार साँझ ६ बजे जापानको टोकियो स्थित नकानो जिरो हलमा चलचित्रको प्रिमियर हुदैँछ । प्रदीप र जसिता सँगै प्रिमियरमा सहभागी हुन निर्माता गोविन्द शाही पनि जापान पुगिसेका छन् ।
अधिकांश छायाङ्कन स्कटल्याण्डमा गरिएको चलचित्र ‘लिलीबिली’लाई मिलन चाम्सले निर्देशन गरेका हुन् भने गोविन्द शाही र सुदिप खड्काले निर्माण गरेका हुन् । लिलीबिलीमा प्रदीप र जसिताको साथमा प्रियंका कार्की, अनुप विक्रम शाही लगायतका कलाकारको अभिनय रहेको छ । यो चलचित्रको केही दिन अघि ट्रेलर रिलिज भएको थियो । उक्त ट्रेलरलाई दर्शकले निकै रुचाएका छन् ।
यो समाचार नयुज २४ नेपालबाट लिईएको हो।
