काठमाडौँ । कृष्णसारको शिकार गरेको आरोपमा बलिउड अभिनेता सलमान खान दोषी ठहर भएका छन् । जोधपुरको एक अदालतले १९ वर्ष पुरानो मुद्दामा सुनुवाई गर्दै चलचित्र अभिनेता खानलाई दोषी ठहर गरेको हो ।
अन्तिम फैसला सुन्न कडा सुरक्षाबीच भारतको जोधपुर अदालत जाँदै बलिउड नायक सलमान खान । तस्विर : इण्डियन टाइम्स
सरकारी वकिलले ६ वर्षको कैद सजाय माग गर्दै रिट दायर गरेका थिए । सलमानलाई एक वर्षदेखि छ वर्षसम्म जेल सजाय हुन सक्ने छ । सो मुद्दामा मुछिएका अभिनेता सैफ अलि खान, अभिनेत्री सोनाली बेन्दे्र, निलम, तब्बू लगायत भने निर्दोष ठहर भएका छन् । चलचित्रको छायांकनका क्रममा राजस्थानको जोधपुर पुगेका कलाकारको टोलीले कृष्णसारको शिकार गरेका थिए । मुद्दाको सुनुवाईका लागि सलमान खान, सैफ अलि खान, निलम लगायत जोधपुरमा रहेको भारतीय सञ्चारमाध्यमले जनाएका छन् ।
यस्तो थियो घटना
यो घटना चलचित्र ‘हम साथ साथ हे’ को सुटिङको दौरानमा घटेको थियो । सन् १९९८ मा राजश्री फिल्मको ब्यानरमा बनेको यस चलचित्रको सुटिङको समयमा सलमान खानले कृष्णसार मारेको आरोप लागेको छ । साथै सलमानलाई उक्साउन सहयोग गरेको आरोपमा सैफ अली खानसहितका अन्य कलाकारको नाम पनि समावेश छ । सलमान खानलाई वन्यजन्तु संरक्षण कानुनको धारा ५१ त्था अन्य कलाकारलाई वन्यजन्तु संरक्षण कानुनको धारा ५१ त्था भारतीय दण्ड सहिंताको धारा १ सय ४२ अन्तरगत मुद्दा चलाइएको छ ।
यो समाचार नयुज २४ नेपालबाट लिईएको हो।
