मुम्बई । अभिनेत्री कंगना खरो मिजासको कारण परिचित छिन् । यो वर्षको शुरुवातमै रीतीक रोशन सँगको ब्यक्तीगत सम्वन्ध तथा फिल्म ईन्डस्ट्रीमा हुने नातावादमा निर्देशक करण जोहर बिरुद्ध उत्रेकी कंगना मिडियामा छाईरहीन् ।यसै क्रममा हालै कंगनाले फिल्ममा आइटम गीत उत्तेजक र अश्लिल हुने भएकाले त्यसलाई प्रतिबन्ध लगाउनुपर्ने माग गरेकी छन् ।
भारतीय सञ्चारमाध्यमका अनुसार कंगनाले फिल्ममा आइटम गीत उत्तेजक र अश्लिल हुने भएकाले त्यसलाई प्रतिबन्ध लगाउनुपर्ने कंगनाको माग छ । ‘त्यसकारण पनि मलाई अहिलेसम्म कुनै पनि फिल्ममा दर्शकले आइटम गीतमा देखेका छैनन् । किनकि यस्तो गीतमा नृत्य गर्दा आफूलाई केही फाइदा हुँदैन ’उनले भनेकी छन्।
कंगनाको विचारमा फिल्ममा प्रयोग गरिने आइटम गीत व्यक्ति, समाज र बालबालिकाका लागि हानिकारक हुन्छन् । ‘यदि मेरो या तपाईको छोरी भएमा उसलाई पनि हामीले के आइटम गर्लकै रुपमा चिनाउने हो ?’ उनले प्रश्न गरेकी छन्, ‘म त्यही काम गर्छु, जुन कुराले मलाई खुशी दिन्छ । तर मेरो कारण आम दर्शक भागेको म हेर्न चाहन्नँ । त्यसकारण आइटम गीतप्रति मेरो रुचि छैन । त्यसकारण म फेयरनेस क्रिमको विज्ञापन, ठूला नायकका फिल्म र आइटम नम्बरमा काम गर्दिन्।’
कंगना हाल फिल्म मनिकर्णिकाको सुटिङमा व्यस्त छिन् । आफुलाई मन नपरेको कुरा बोलीहाल्ने तथा चाँडै वादविवादमा उत्रने स्वभावका कारण हाल कंगनालाई ईन्डस्ट्रीमा कामको खडेरी लागेको भन्ने खवर बाहिरीएपनि कंगना यसबारे चिन्ता लिईहाल्न पर्ने केही नभएको बताउँछिन् ।
यो समाचार नयुज २४ नेपालबाट लिईएको हो।
