काठमाडौं । गीतकार दिनेश पोखरेलको पहिलो गीत ‘सिन्दुर’ सार्वजनिक भएको छ ।पछिल्लो समयका चर्चित एवम लोकप्रिय संगीतकार गैरे सुरेशको कर्ण प्रिय संगीत रहेको गीत ‘सिन्दुर’ लार्इ गायिका मेलिना राईको सुमधुर स्वरमा सुन्न सकिन्छ भने गीतलाई सुदिप सागरले संगीत संयोजन गरेका हुन् ।
यो गीतमा अन्य नेपाली लभ सङ्समा भन्दा बिल्कुलै फरक शैलीको प्रस्तुति गरिएको छ । सम्पदा बाँनिया र बिनोद न्यौपाने फिचर्ड गरिएको म्युजिक भिडियो युवराज वाइबाको निर्देशन, उत्सव दाहालको सिनेमाटोग्राफी र बिकाश दाहालको सम्पादन रहेको छ ।
भिडियोलाई ओएसआर डिजिटलको युट्युब च्यानलबाट सार्वजनिक गरिएको हो । झापा स्थायी घर भई हाल बेल्जियममा रहेका गीतकार पोखरेलको संगीतकार गैरे सुरेशको एकल संगीतमा छिट्टै नै गीति एल्बम ल्याउने तयारीमा छन ।
करिब २ दशकदेखि नेपाली सांगीतिक छेत्रमा लगातार आफ्नै फरक पहिचान बनाउन सफल सशस्त्र प्रहरी बलमा डीएसपी पदमा कार्यरत संगीतकार गैरे सुरेशले करिब ५०० वटा भन्दा बढी गीतमा संगीत भरिसकेका छ्न ।
[embedded content]यो समाचार नयुज २४ नेपालबाट लिईएको हो।
