काठमाडौँ । फिल्म ‘कबड्डी ३’ मा अभिनेता प्रदिप खडका नहुने भएको छ । यो फिल्ममा खड्कालाई भित्र्याउने हल्ला चलेको थियो तर औपचारिक रुपमा भने सम्झौता भएको थिएन ।
निर्देशक रामबाबु गुरुङले बनाउन लागेको ‘कबड्डी ३’ को लागि दयाहाङ राई र बुद्दि तामाङ लगायतका कलाकारहरु फाइनल भैसकेका छन् । निर्देशक गुरुङले ‘साइँली’ फिल्मपछि यो फिल्म बनाउन लागेको हो ।
अभिनेता खडका नहुने भएपछि मिडियाहरुमा विभिन्न प्रकारका चर्चा चलिरहेको छ । उनी यो फिल्ममा नहुनमा उनले अभिनय गरेको फिल्म रोजी लभ स्टेसन नचलेको कारण हुन सक्ने समाचारहरु बाहिरिएको छ ।
फिल्ममा प्रदिप नहुने भएपछि अभिनेता निश्चल बस्नेत भित्र्याउने कुरा भइरहेको खबर आएको छ । फिल्म ‘कबड्डी ३’ वैशाख अन्तिमबाट फ्लोरमा जाने भएको छ ।
यो समाचार नयुज २४ नेपालबाट लिईएको हो।
