काठमाडौं/एजेन्सी । बलिउड अभिनेत्री सुरवीन चावला आमा बनेकी छन् । अभिनेत्री सुरवीनले भर्खरै छोरीलाई जन्म दिएकी हुन् । उनले आफ्नो छोरीको तस्वीर सोसल मिडियामा सेयर गर्नुका साथै नाम समेत जुराइसकेकी छन् । उनले छोरीको नाम ईवा राखेकी छन् ।
केही दिन अघिमात्रै अभिनेत्री सुरवीनले बेबी बंपसँगको तस्वीर सेयर गरेकी थिइन्, भने अहिले उनले लक्ष्मीको रुपमा छोरीलाई जन्म दिइसकेकी छन् । ईवाको जन्म १५ अप्रिलमा भएको हो । सुरवीनले छोरी ईवाको तस्वीर आफ्नो इन्स्टाग्राममा सेयर गरिसकेकी छन् । तर सुरवीनले आफ्नो छोरीको अनुहार देखाएकी छैनन्, खुट्टा मात्र देखाएकी छन् ।
२०१५ मा अभिनेत्री सुरवीनले अक्षय ठक्करसँग विवाह गरेकी थिइन् । सोसल मिडियामा सेयर गरेकी तस्वीर अनुसार उनीहरुले आफ्नो म्यारिड लाइफलाई जमेर इञ्जोय गरिरहेका छन् । यो जोडीले २०१३ देखि एक अर्कालाई डेट गरिरहेका थिए ।
वर्कफ्रन्टको कुरा गर्नुपर्दा सुरवीनले पछिल्लो वर्ष नेटफिलिक्सको चर्चित सिरिज ‘सिक्रेट गेम्स’मा देखिएकी थिइन् । उनले बलिउडको ‘हेट स्टोरी–२’, ‘पाच्र्ड’ र ‘उंगली’ जस्ता फिल्ममा काम गरिसकेकी छन् ।
सुरवीनले एकता कपूरको शो ‘कहीँ तो होगा’बाट अभिनय सुरु गरेकी थिइन् । त्यसपछि उनलाई ‘कसौटी जिन्दगी की’ले जमेर फेम दियो । साथै उनले अनिल कपूरको शो ‘२४’ र वेब सिरिज ‘हक से’मा पनि काम गरिसकेका छन् ।
यो समाचार नयुज २४ नेपालबाट लिईएको हो।
