काठमाडौं÷एजेन्सी । रणवीर कपूर र अभिनेत्री दीपिका पादुकोणको अन–स्क्रीन जोडीलाई दर्शकहरुले खुब रुचाएका थिए । यो जोडीको आ–आफ्नै पहिचान छ, त्यसोत जब अन–स्क्रीन देखिन्छन् तब उनीहरुको केमेष्ट्री शाहरुख खान र कजोलको भन्दा कम लाग्दैन । पछिल्लो समय उनीहरु फिल्म ‘तमासा’मा सँगै देखिएका थिए । समाचारमा आए अनुसार निर्देशक अनुराग बासुले पुनः एक पटक यस हिट जोडीलाई एकैसाथ ल्याउने तयारी गरिरहेका छन् ।
निर्देशक अनुरागले राणवीर कपूर र दीपिका पादुकोणको उत्कृष्ट जोडीको जादुलाई पुनः एक पटक पर्दामा उतार्ने चर्चा चलिरहेको छ । यो भन्दा पहिले रणवीरले बर्फी र जग्गा जासुसमा निर्देशक अनुराग बासुसँग काम गरिसकेका छन् । तर निर्देशक अनुराग बासुसँग अभिनेत्री दीपिकाको भने यो पहिलो प्रोजेक्ट हुनेछ ।
सुत्रका अनुसार रणवीर र दीपिकालाई फिल्मको स्क्रीप्ट दिइएको छ । अब उनीहरुको जोडी अन–स्क्रीनमा हेर्न मन पराउने दर्शकहरुको आकांक्षालाई पूरा होला या नहोला भन्ने विषय रणवीर र दीपिकामा भर पर्ने कुरा हो ।
रणवीर र दीपिकाको अफेयर र ब्रेकअपको चर्चा अझैंपनि खासै सेलाइसकेको छैन । तर उनीहरुको ब्रेकअप भएपछि पनि फिल्म ‘तमाशा’मा सँगै देखिएका थिए । अभिनेत्री दीपिका अर्का अभिनेता रणवीर सिंहसँग वैवाहिक बन्धनमा बाँधिएर पनि आफ्नो करियरलाई अगाडि बढाइसकेकी छन् ।
रणवीर कपूर पनि आफ्नो करियरसँगै अर्की अभिनेत्री आलिया भाटलाई डेट गरिरहेका छन् । उनीहरुको पनि चाँडै विहे हुने हल्ला छ ।
यो समाचार नयुज २४ नेपालबाट लिईएको हो।
