एजेन्सी । बलीउड नायक अर्जुन कपुरले मोडल तथा अभिनेत्री मलाइका अरोडासँगको प्रेम सार्वजनिक गरेका छन् । न्युयोर्कमा छुट्टि मनाइरहेका अर्जुन कपूर र मलाइका अरोडाले सँगै बिताएका केही तस्विरहरु सामाजिक संजालमा पोष्ट गरेका छन् ।
अर्जुनले आफ्नो इन्स्टाग्राममा लिएको एक तस्विर शेयर गरेका छन् जसमा मलाइका डिनर टेबलमा बसेकी छिन् र उनले हार्ट सेपको रातो ब्यागले आफ्नो मुख छोपेकी छिन् । अर्जुनले खिचेको यस तस्विरमा उनले क्याप्सन लेखेका छन् -‘साँच्चैनै मेरो मन तिमीसँग छ ।’
यसअघि मिडियामा अर्जुनसँगको हिमचिम बढेकाले पति अरबाज खानबिच मलाइकाको डिभोर्स भएको भन्ने खवर बाहिरिरहँदा यी दुवैले यो हल्ला मात्र भएको भन्दै अस्विकार गर्दै आइरहेका थिए ।तर अहिले एक पछि अर्को गर्दै यी दुइका रोमान्टिक तस्विरहर सामाजिक संजालमा देखिन थालेपछि अनुमान सही निस्किएको भारतीय सञ्चार माध्यमले जनाएको छ ।
अर्जुनसँगको सम्वन्ध खुलेसँगै सलमानले पूर्व भाई बुहारी मलाइकालाई आफ्नो फिल्म ‘दबंग ‘को सिक्वेलबाट आउट गरिदिएका छन् ।हाल मलाइका विभिन्न फेशन शोहरुमा ब्यस्त छिन् भने अर्जुन चाँडै नै शुटिङको तयारीमा रहेको फिल्म ‘पानीपत’मा ब्यस्त हुँदैछिन् ।
यो समाचार नयुज २४ नेपालबाट लिईएको हो।
