पोखरा । पप गायक धिरज राईले फेवातालका दुई सयवटा डुङ्गामा गौतम बुद्धका स्टिकर टाँसेका छन् । ‘बुद्ध वाज बर्न इन नेपाल ‘नामक अभियानका अभियन्ता समेत रहेका गायक राईले बुद्ध नेपालमा जन्मिएका हुन् भन्ने स्टिकर डुङ्गामा टाँसेका हुन्। गायक राईले गौतम बुद्ध भारतमा जन्मिएका हुन् भन्ने अझै पनि भ्रम रहेकोले सो भ्रम चिर्न विदेशी पर्यटकलाई लक्षित गर्दै डुङ्गामा बुद्ध नेपालमा जन्मिएका हुन् भन्ने स्टिकर टाँसेको बताए ।
नेपाल आउने पर्यटक सद्भावना दूत पनि हुने हुनाले पोखराको फेवातालमा घुम्न आउने पर्यटकलाई नजर पुग्ने ठाउँमा बुद्धबारे लेखिएका कुराले थप बुझाउन सकिने जसको कारण यो अभियान थालेको बताए ।
भारतले बुद्ध आफ्नो देशमा जन्मिएका हुन् भनेर विभिन्न माध्यमबाट दाबी गरिरहेको भन्दै गायक राईले उक्त दाबीलाई ‘चिर्न’जरुरी रहेको समेत बताए ।
यो समाचार नयुज २४ नेपालबाट लिईएको हो।
