काठमाडौं । हिन्दी फिल्म ‘कबिर सिंह’ ब्लकबस्टर हिट साबित भएको छ । यस फिल्ममा नायक साहिद कपूरको दमदार अभिनयको अहिले सर्वाधिक चर्चा भैरहेको छ ।
हिन्दी भर्सन सफल भएसँगै यसको नेपाली कपिराइट किनेर नेपाली भर्सनमा पनि ल्याउने तयारी भैरहेको छ । नेपाली भर्सनमा नायक तथा युवा ज्योतिष हरिहर अधिकारी कबिर सिंह बन्ने भएका छन् । जसका लागि हरिहरले यतिबेला तयारी गरिरेका छन् । हरिहरले फिल्म ‘शुभ लभ’ मा अभिनय गरेका थिए ।
तेलगु फिल्म ‘अर्जुन रेड्डी’को आधिकारिक रुपमा कपि राइटस किनेर बलिउडमा ‘कबिर सिंह’ बनाइएको थियो । हिन्दी फिल्म नेपालमा कपि राइटस किनेर निर्माण गर्न लागिएको यो पहिलो फिल्म हो । फिल्मको आधिकारिक घोषणा गरिएको छैन । तर ‘अर्जुन रेड्डी’ निर्माण गरेको कम्पनी भद्रकाली पिक्चर्स सँग कपि राइट खरिद गरिसकेको छ । ‘अर्जुन रेड्डी’ र ‘कबिर सिंह सुपरहिट सावित भइसकेको छ । यसको नेपाली रिमेकले हरिहरलाई नेपाली फिल्ममा स्थापित गर्न सक्छ या सक्दैन, त्यो हेर्न बाँकी छ ।’
फिल्म कबिर सिंहको क्रेज नेपालमा पनि राम्रो देखिएको छ । अभिनेता शाहिद कपूरको शिर्ष भूमिका रहेको फिल्मलाई नेपाली दर्शकले समेत रुचाइ रहेका छन् ।
यो समाचार नयुज २४ नेपालबाट लिईएको हो।
