काठमाडौं । अभिनेता सलमान खानको कथित गर्लफ्रेण्ड युलिया बन्तुरले आफ्नो जन्मदिन सेलिब्रेट गरकी छन् । बलिउड नगरीमा सलमानले युलियालाई डेट गरिरहेको समाचार बेला–बेला चर्चामा रहन्छ । यो जोडीले आफ्नो अफेयरलाई अफिसियल रुपमा घोषणा भने गरेका छैनन् ।
समाचारमा आए अनुसार अभिनेता सलमान खानले जन्मदिनको अवसरमा युलिया बन्तुरलाई विशेष गिफ्ट दिएका छन् । स्पटब्वायको एक रिपोर्टका अनुसार युलियाको जन्मदिनमा अभनेता खानले डायमण्डको रिङ्ग गिफ्ट गरेका छन् ।
युलियाको जन्मदिनमा यस्तो महंगो गिफ्ट दिनका लागि अभिनेता खानलाई उनका आमा सलमा खानले आइडिया दिएकी बताइएको छ । अहिलेको समयमा युलिया पनि खान परिवारको अहम हिस्सा बनिसकेकी छन् । युलिया खान परिवारको हरेक पार्टी÷इभेन्टमा देखा पर्दै आएकी छन् ।
गएराति युलिया बन्तुरको जन्मदिन सेलिब्रेशन पार्टीमा सलमान खानको डिजाइनर ऐशले रेशेलो लगाएत नजिकका साथीहरु उपस्थित भएका थिए । ऐशले आफ्नो इन्स्टाग्राम अकाउन्टमा युलियाको बर्थडे पार्टीको कोलाज तस्वीर सेयर गरेका छन् ।
उक्त तस्वीरमा कालो पहिरनमा युलिया निकै सुन्दर देखिएकी छन् । सलमान पनि सँगै देखिएका छन् । युलिया बन्तुर रोमनियाकी नागरिक हुन् । उनी मोडल, गायिका, नायिका तथा टेलिभिजन प्रस्तोता हुन् ।
यो समाचार नयुज २४ नेपालबाट लिईएको हो।
