काठमाडौं । साउथका सुपरस्टार प्रभाष र बलिउड अभिनेत्री श्रद्धा कपुरको बहुप्रतिक्षित फिल्म ‘साहो’ दर्शकमाझ रिलिजमा आइसकेको छ । फिल्मलाई लिएर भारतमा मात्रै नभई नेपालका दर्शकहरुसमेत उत्साहित छन् । फिल्ममा प्रभाष र श्रद्धाको अभिनयको तारिफ भइरहेको छ, भने फिल्ममा समवेश एक्शन सिनलाई दर्शकहरुले खुब रुचाइरहेका छन् ।
रिपोर्टका अनुसार फिल्म रिलिज भएको केहि घण्टा भित्रै तमिल रकर्सले ‘साहो’लाई लिक गरिदिएको छ । अभिनेत्री श्रद्धा कपुरले केहि घण्टा अगाडि मात्रै आफ्नो सम्पूर्ण दर्शकहरुलाई नजिकैको हलमा गएर ‘साहो’ हेरिदिन र पाइरेसीको लागि सपोर्ट नगर्न आग्रह गरेकी थिइन् । तर, फिल्म लिक गर्न माहिर तमिल रकर्सले रिलिजमा आएको केहि घण्टामै ‘साहो’लाई अनलाइन लिक गरिदिएको छ ।
तमिल रकर्सले अबैध तरिकाले ‘साहो’लाई डाउनलोड गरेको आशंका गरिएको छ । यो भन्दा पहिल्यै पनि तमिल रकर्सले ठूल्ठूला बजेटका फिल्महरुलाई लिक गर्दै आएको थियो । यसरी ‘साहो’ रिलिजमा आएको केहि घण्टामै पाइरेसीको सिकार बन्दा बक्स अफिसमा भारी नोक्शान हुने आँकलन गरिएको छ ।
३५० करोडको लगानीमा बनेको ‘साहो’मा प्रभाष र श्रद्धाको जोडीलाई दर्शकहरुले रुचाइरेका छन् । यो फिल्मलाई हिन्दी, तमिल, तेलुगु, कन्नड, मलायालम लगाएतका भाषामा रिलिज गरिएको छ । फिल्ममा प्रभाष र श्रद्धाका अलवा नील नितिन मुकेश, चंकी पाण्डे, महेश मांजरेकर र मन्दिारा बेदी पनि मुख्य भूमिकामा छन् ।
यो समाचार नयुज २४ नेपालबाट लिईएको हो।
