काठमाडौं । फिल्म ‘छ माया छपक्कै’ को ‘जुनको जुनेली’ बोलको गीत सार्वजनिक भएको छ । फिल्मको गीतमा बसन्त थापाको संगीत रहेको जुनको जुनेलीमा संगीतकार थापा र गायिका मिना निरौलाले स्वर भरेका छन् ।
शब्द राजेन्द्र थापाले लेखेका हुन् , भने कविराज गहतराजको कोरियोग्राफी रहेको गीतको भिडियोमा फिल्मका सबै मुख्य कलाकारहरु प्रस्तुत छन् । दिपकराज गिरी, केकी अधिकारी, केदार घिमिरे, जिुत नेपाल, सुपुष्पा भट्ट, बुद्धी तामाङ र रजनी गुरुंग गीतको भिडियोमा फिचर्ड छन् ।
दिपकराज गिरी समूह र निर्माता रोहित अधिकारीले ‘छ माया छपक्कै’ को प्रदर्शनको मिति पनि तय गरेका छन् । फिल्मको प्रदर्शन मिति असोज २४ गते उल्लेख हुने भएको छ । दिपेन्द्र लामा निर्देशित फिल्म ‘छ माया छपक्कै’ले उमेर अन्तरमा हुने प्रेम सम्बन्धलाई प्रस्तुत गरेको छ ।
[embedded content]यो समाचार नयुज २४ नेपालबाट लिईएको हो।
