साउथका सुपरस्टार प्रभाषको भर्खरै रिलिजमा आएको फिल्म ‘साहो’ले विश्वभर नै उत्कृष्ट कलेक्शन गरिरहेको छ । ३५० करोडको बजेटमा बनेको ‘साहो’को हिन्दी भर्सनले पाँच दिनमै १०० करोड भन्दा बढीको ब्यापार गरिसकेको छ । मंगलबारका दिन यो फिल्मले ९.१० करोडको कलेक्शन गरेको थियो ।
ट्रेड एनालिष्ट तरण आदर्शले ‘साहो’को पाँचौं दिनको आँकडालाई सार्वजनिक गर्दै ट्वीट गर्दै भनेका छन्– ‘पाँचौ दिन साहोको कमाईमा गिरावट । मास सर्किटमा राम्रो कमाई गरिरहेको छ । कैयौं ठाउँमा होलिडेको अवसरमा सोमबारका दिन डबल डिजिटमा कमाई भयो ।’
ट्रेड एनालिष्ट तरण आदर्शका अनुसार ‘साहो’को हिन्दी भर्सनले मात्र एक सातामा ११० करोड भन्दा बढीको ब्यापार गर्नसक्नेछ । अहिलेसम्म यो फिल्मले १०२.३८ करोडको कमाई गरिसकेको छ । पाँचौ दिनमा आइपुग्दा ‘साहो’को कमाईमा ५० प्रतिशत गिरावट आएको छ । ‘साहो’ले शुक्रबार २४.४० करोड, शनिबार २५.२० करोड, आइतबार २९.४८ करोड र सोमबार १४.२० करोडको कमाई गरेको थियो । यो साता प्रभाष र श्रद्धा कपुरको ‘साहो’ जबरदस्त कमाई गरिरहेको छ ।
आगामी साता उही अभिनेत्री श्रद्धा कपुरको फिल्म ‘छिछोरे’ दर्शकमाझ रिलिजमा आउँदैछ । फिल्ममा श्रद्धाको अपोजिटमा सुशान्तसिंह राजपुत छन् । ‘छिछोरे’ले ‘साहो’को ब्यापारमा के–कति असर गर्छ, त्यो भने हेर्न बाँकी नै छ ।
रिलिजमा आएको पाँचौं दिनमा साहोले वल्र्डवाइड ३५० करोड भन्दा बढीको ब्यापार गरिसकेको छ ।
यो समाचार नयुज २४ नेपालबाट लिईएको हो।
