लामो समयदेखि कार्तिक आर्यन र अनन्य पाण्डेको मुख्य भूमिका रहेको फिल्म ‘पति पत्नी और वो’ चर्चामा छ । यो फिल्मको सुटिङ सुरु भएसँगै सेटबाट विभिन्न तस्वीर र भिडियोहरु सोसल मिडियामा छाइरहेका छन् । अहिले आएर यो फिल्मको अर्की अभिनेत्री भूमी पेड्नेकरको फस्टलुक पनि बाहिरिएको छ । यो फिल्मको अन्य कलाकारहरुको फस्टलुक पहिल्यै सार्वजनिक भइसकेपनि अभिनेत्री भूमीको भने पहिलो पटक सार्वजनिक भएको हो ।
अभिनेत्री भूमी पेड्नेकरले आफ्नो इन्स्टाग्राममा अभिनेता आर्यनसँगको एउटा तस्वीर सेयर गरेकी छन् । तस्वीरमा भूमी र आर्यनले एक अर्कालाई हेरिरहेका छन् भने निर्देशक मुदस्सर पनि उभिरहेका छन् । यो तस्वीर निर्देशक मुदस्सरलाई जन्मदिनको शुभकामना दिदै सेयर गरिएको हो । अभिनेत्री भूमीले क्याप्सनमा लेखेकी छन्– ‘पति पत्नी औं वोले बधाई दिइरहेको छ । यस सिचुएशनको ‘वो’को निर्देशक मुदस्सरलाई जन्मदिनको बधाई ।’
अर्कोतर्फ निर्देशक मुदस्सरलाई अर्की अभिनेत्री अनन्य पाण्डेले शाहरुख–काजोलको फिल्म ‘दिल वाले दुह्निय ले जाएंगेको आइकनिक सिनको अन्दाजमा जन्मदिनको बधाई दिएकी छन् । अनन्यले सेयर गरेकी तस्वीरमा उनी ट्रेनको ढोकामा उभिएकी छन्, भने निर्देशक मुदस्सरले उनको हात थामिरहेका छन् ।
यस फिल्मको सुटिङ जिरोमा छ, यसै फिल्मको लागि कार्तिकले आफ्नो सात किलो वजन बढाएका छन् । उनले पनि निर्देशक मुदस्सरलाई जन्मदिनको शुभकामना दिएका छन् ।
यो समाचार नयुज २४ नेपालबाट लिईएको हो।
