काठमाडौं । एक्शन अभिनेता सनी देओलका छोरा करण देओलको डेब्यु फिल्म ‘पल पल दिल के पास’ दर्शकमाझ रिलिजमा आइसकेको छ । यो फिल्मलाई पनि पाइरेसी वेबसाइट तमिल रकर्सले लिड गरिदिएको छ । रिपोर्टका अनुसार फिल्म रिलिज भएको केही घण्टापछि तमिल रकर्सले अनलाइन लिक गरिदिएको हो ।
यो फिल्मलाई सनि देओलले निर्देशन गरेका हुन्, अब यो फिल्म फ्रीमा डाउनलोड गर्न सकिने बताइएको छ । करण देओलको डेब्यु फिल्म ‘पल पल दिलके पास’ एक रोमान्टिक लभस्टोरीमा आधारित छ । फिल्मलाई सुन्दर लोकेशनमा सुट गरिएको छ । बक्स अफिसमा यो फिल्मसँगै सोनम कपुरको ‘द जोया फ्याक्टर’ र सञ्जय दत्तको ‘प्रस्थानम’ पनि सँगै रिलिजमा आएका छन् ।
फिल्ममा करण देओल ‘करण सहगल’ र सहर बम्बा ‘सहर सेठी’को भूमिकामा छन् । जहाँ करण एक ट्रेकिङ कम्पनीका मालिक हुन्छन्, उनले मनालीमा कम्पनी खोलेर बसेका हुन्छन् । उनको शहरको घरमा फ्यामिली रि–युनियनको योजना बनाइरहेका हुन्छन्, तर उनी भने त्यहाँ उपस्थित हुन चाहदैनन्, लगाएतका विषयलाई प्रस्तुत गरिएको छ । यसका साथै फिल्ममा मनालीको सुन्दरतालाई आकर्षक तरिकाले प्रस्तुत गरिएको छ ।
यो समाचार नयुज २४ नेपालबाट लिईएको हो।
