काठमाडौं । सुद्धार्थ मल्होत्रा, रितेश देशमुख र तारा सुतारियाको मुख्य भूमिका रहेको फिल्म ‘मरजावाँ’को ट्रेलर आउट भएको छ । पावर प्याक्ड एक्शनले भरिपूर्ण यस फिल्मलाई मिलाप जावेरीले निर्माण गरेका हुन् । रोमान्स र एक्शनलाई आकर्षक रुपमा प्रस्तुत गरिएको ‘मरजावाँ’ फिल्म ८ नोभेम्बरबाट दर्शकमाझ रिलिजमा आउँदैछ । यो फिल्ममा अर्की अभिनेत्री राकुल प्रीतसिंह पनि मुख्य भूमिकामा छन् ।
यसै फिल्ममार्फत पहिलो पटक सिद्धार्थ र तारा सुतारिया एक–अर्काको अपोजिटमा देखिदैछन् । फिल्ममा अर्का अभिनेता रितेश भिलेन बनेका छन् । ट्रेलरको सुरुवातनै सिद्धार्थको एक्शन सिनबाट सुरु भएको छ । राउडी हिरोको भूमिकामा सिद्धार्थ पर्फेक्ट देखिएका छन् ।
करण जोहरको ‘स्टुडेन्ट अफ द इयर–२’मा तारा सुतारिया ग्ल्यामरस अवतारमा प्रस्तुत भएकी थिइन् । यो फिल्ममा भने उनी सिम्पल अटायर र एथनिक लुकमा देखिदैछन् । तारा सुतारियाको यो दोस्रो फिल्म हो । फिल्ममा उनले लाटी युवतीको भूमिका प्ले गरेकी छन् ।
फिल्ममा सिद्धार्थ र ताराको लभस्टोरीमा रितेशले इन्ट्री मारेपछि कथामा युटर्न आउँछ । बाँकी कथा भने फिल्म रिलिजमा आएपछि मात्रै थाहा हुनेछ ।
यो समाचार नयुज २४ नेपालबाट लिईएको हो।
