काठमाडौं । फिल्म ‘छ माया छपक्कै’ को प्रोमोसनल गीत सार्वजनिक गरिएको छ । दुर्गेश थापाको तीज गीत ‘बिच्च बिच्चमा’को शब्द परिवर्तन गरी बनाइएको प्रोमोसनल भिडियोलाई सार्वजनिक गरिएको हो ।
गीतलाई दुर्गेश थापा र आमा अग्नि कुमारी २ वटा युट्युब च्यानलबाट एकसाथ सार्बजनिक गरिएको हो । दुर्गेश थापाको स्वर रहेको ‘बिच्च बिच्चमा’ गीतमा दुर्गेशकै शब्द तथा संगीत रहेको छ । फिल्म ‘छ माया छपक्कै’ को चर्चा गरिएको सो गीतमा सबैलाई फिल्म हेर्नका लागि आग्रह गरिएको छ ।
गीतको भिडियोमा भिडियोमा गायक थापाका साथमा दिपाश्री निरौला, दीपक राज गिरी, जितु नेपाल, केदार घिमिरे, केकी अधिकारी लगाएतलाई फिर्चड गरिएको छ । सबै कलाकारहरुलाई एक ब्याण्डको रुपमा प्रस्तुत गरिएको छ ।
निर्माण पक्षले यसअघि ‘जुनको जुनेली’ बोलको गीत र ट्रेलर सार्वजनिक गरिसकेको छ । दिपेन्द्र लामाले निर्देशनमा बनेको यस फिल्ममा दीपक राज गिरी, केकी अधिकारी, सुपुष्पा भट्ट, केदार घिमिरे, जितु नेपाल, शिवहरी पौडेल, रमा थपलीया, प्रकाश घिमिरे, बिष्णु सापकोटा, बसन्त भट्ट, सुनिता गौतम, दिपाश्री निरौला लगायत कलाकारहरुको मुख्य भूमिका रहेको छ ।
आमा सरस्वती मुभिज र रोहित अधिकारी फिल्मसको संयुक्त ब्यानरमा निर्माण गरिएको ‘छ माया छपक्कै’लाई रोहित अधिकारीले निर्माण गरेका हुन् । फिल्ममा हरी हुमागाईंको छायांकन रहेको छ । यो फिल्म असोज २४ गतेबाट दर्शकमाझ रिलिजमा आउदैछ ।
[embedded content]यो समाचार नयुज २४ नेपालबाट लिईएको हो।
