काठमाडौं । ऋतिक रोशन र टाइगर श्रफको पखाईको फिल्म ‘वार’ दुई अक्टोवर (भोली)बाट दर्शकमाझ रिलिजमा आउँदै छ । फिल्ममा ऋतिक र टाइगरको एपिक वार देख्न पाइनेछ । यो फिल्ममा वाणी कपुर फिमेल लिडमा हुनेछन् । फिल्मलाई लिएर जबरदस्त बज बनेको छ । यो फिल्मको दुबईबाट रिभ्यु पनि आउन सुरु भइसकेको छ ।
पहिलो रिभ्युमा फिल्मलाई एपिक एक्शन बताइएको छ । क्रिटिक्सले अभिनेता ऋतिकको डान्सिङ स्टाइल र एक्शनको प्रसंसा मात्रै गरेका छैनन्, अर्का अभिनेता टाइगर श्रफको पर्फमेन्सको पनि खुलेर प्रसंसा गरेका छन् ।
एक युजरले ट्वीट गर्दै भने– ‘फिल्ममा ऋतिक रोशन शान्दार छन् । यो फिल्ममा ऋतिकले पर्फेक्ट हिरोको भूमिका निभाएका छन् । जसले आफ्नो डान्सले मात्रै नभई फाइटिङ र चार्मले पनि सबैलाई इम्प्रेस गरेका छन् । ऋतिक र टाइगरले ‘वार’मा टप पर्फमेन्स दिएका छन् । फिल्मको क्लाइम्याक्सले सबैलाई चकित बनाउनेछ ।’
फिल्मको एडभान्स बुकिङ सुरु भइसकेको छ । ठूला–ठूला स्टारहरुले पनि बुकिङ गरिरहेका जनाइएको छ । स्पटब्वायको एक रिपोर्ट अनुसार फिल्मको फस्र्ट शोका लागि ७.१० करोडको टिकट बिकिसकेको छ । फिल्मलाई सिद्धार्थ आनन्दले निर्देशन गरेका हुन् ।
यो समाचार नयुज २४ नेपालबाट लिईएको हो।
