काठमाडौं । फिल्म ‘माछा माछा’को प्रदर्शन मिति सरेको छ । अभिनेता सौगात मल्लको फिल्म काक्तिक २९ गतेदेखि प्रदर्शनमा आउने भनिएको थियो । तर अब मंसिर २० गतेबाट प्रर्दशनमा आउने भएको छ ।
प्राविधिक कारणले फिल्म सार्नु परेको निर्माण टिमले बताएको छ । फिल्म सुनिल गुरुङको लेखक तथा निर्देशनमा बनेको हो । निर्देशक रामबाबु गुरुङ र अभिनेता दयाहाङ राईले निर्माण गरेका यो फिल्म सिनेमा आर्ट र नौमती इन्टरटेनमेन्टको ब्यानरमा बनेका छ ।
फिल्म ‘माछा माछा’को सह–निर्माता ओमचन्द्र रौनियार र अर्जुन कार्की हुन् । शिवराम श्रेष्ठले खिचेको फिल्मलाई निमेष श्रेष्ठले सम्पादन गरेका छन् ।
कमेडी जनरामा बनेको फिल्म ‘माछा माछा’मा सौगातसँगै विजय बराल, अनोज पाण्डे, माओत्से गुरुङ, नम्रता श्रेष्ठ, सरिता गिरी, भोलाराज सापकोटा, कमलमणी नेपाल लगायत कलाकारहरुले अभिनय गरेका छन् ।
यो समाचार नयुज २४ नेपालबाट लिईएको हो।
