बलिउड अभिनेता सिद्धार्थ मल्होत्रा, ऋतेश देशमुख र अभिनेत्री राकुल प्रितको मोस्ट अवेटेड फिल्म ‘मरजाँवा’ गए शुक्रबारबाट दर्शकमाझ रिलिजमा आइसकेको छ । यो भन्दा पहिल्यै अभिनेताद्वय ऋतेश देशमुख र सिद्धार्थ मल्होत्राले फिल्म एक भिलेनमा सँगै काम गरिसकेका छन् ।
२०१४ मा दर्शकमाझ रिलिजमा आएको सो फिल्मले बक्स अफिसमा राम्रो कलेक्शन गरेको थियो । करिब पाँच वर्षपछि ऋतेश र सिद्धार्थ पुनः सँगै फिल्ममा देखिएका छन् । ‘मरजावाँ’ फिल्ममा ऋतेश र सिद्धार्थसँगै राकुल प्रित, तारा सुतारिया र नासर पनि मुख्य भूमिकामा छन् ।
यो फिल्मको पहिलो दिनको बक्स अफिस कलेक्शन पनि सार्वजनिक भइसकेको छ । दर्शकहरुले फिल्मलाई रुचाइरहेका छन् । फिल्मले पहिलो दिन करिब सात करोडको बक्स अफिस कलेक्सन गरेको जानकारी गराइएको छ ।
फिल्मको कहानीमा खासै नयाँपन दिइएको छैन । यस विषयमा धेरै फिल्महरु बनिसकेका क्रिटिक्सहरुले जनाएका छन् ।
यो फिल्मको कहानी ट्याङ्कर माफिया किङ्ग अन्ना (नासर), रघु (सुद्धार्थ), अन्नाका छोरा विष्णु (ऋतेश देशमुख), बार डान्सर आरजु (राकुलप्रित सिंह) र जोया (तारा सुतारिया)मा केन्द्रित छ ।
यो समाचार नयुज २४ नेपालबाट लिईएको हो।
