एजेन्सी । तामिलनाडुकी स्वर्गीय पूर्व मुख्यमन्त्री जयललिताको बायोपिक कथामा आधारित फिल्म ‘थलाइवी’को पोष्टर र टिजर सार्वजनिक गरिएको छ । टिजरमा जयललिताको भूमिकामा नायिका कंगना रनौतलाई देख्न सकिन्छ ।
चलचित्रको फस्टलुक हेर्दा कंगनालाई चिन्न मुश्किल पर्छ । लामो समयदेखि छायांकनमा रहेको फिल्मलाई बाहुबली र ‘मणिकर्णिका’ फेम लेखक के. वी. विजयन्द्रले लेखेका हुन् । चलचित्रलाई सन् २०२० को जुन २६ मा रिलिज गर्ने तयारी रहेकाे छ ।
स्वर्गीय जयलललिता दक्षिण भारतीय फिल्मकी चर्चित अभिनेत्री हुनुको साथै राजनीतिज्ञको रुपमा परिचित थिइन् । गरिव जनताको सेवा गरेका कारण उनलाई दक्षिण भारतमा ‘अम्मा’को नामले बोलाइन्थ्यो । सार्बजनिक टिजरमा कंगनाको नयाँ लुक्स् बाहिरिएसँगै फिल्ममा उनको अभिनयलाई लिएर उत्सुकता बढेको भारतीय सञ्चार माधयमले जनाएको छ ।
यो समाचार नयुज २४ नेपालबाट लिईएको हो।
