अभिनेता अर्जुन कपुरको फिल्म ‘पानीपत’ रिलिजको तयारीमा छ । यसै फिल्मको प्रचार–प्रसारमा ब्यस्त छन् अभिनेता अर्जुन् । ‘पानीपत’को ट्रेलर रिलिज पश्चात फिल्मको चर्चा झनै चुलिएको छ ।
यसैबीच अर्का अभिनेता रणवीर सिंह पनि अर्जुन कपुरको ‘पानीपत’ पर्खाईमा छन् । फिल्ममा अर्जुनले मराठा योद्धा सदाशिव राव भाउका भूमिका निभाएका छन् ।
त्यस्तै अभिनेता रणवीर सिंहले ‘बाजीराव मस्तानी’मा पेशवा बाजीरावको भूमिका निभाएका थिए । रणवीरको सो भूमिकालाई अझैं पनि हामीले याद गर्छौं । उक्त फिल्म रणवीरको करियरको बेस्ट फिल्ममध्येकै एक थियो ।
त्यसोत, अभिनेता अर्जुनलाई पानीपतको आफ्नो भूमिका निभाएनका लागि रणवीर सिंहसँग केही टिप्स लिएको हो ? भनेर प्रश्न गरिएको थियो ।
प्रतिउत्तरमा अर्जुनले भने–‘फिल्मको ट्रेलर हेरेर रणवीर निकै उत्साहित बनेका छन् । उनी धेरै खुसी छन् । हामी दुवै कलाकार मात्रै होइनौं, असल साथी पनि हौं । हामीले सँधै अभिनय र भूमिकाको बारेमा कुरा गर्दैनौं । हामीले एउटै फ्लेवरको फिल्म गर्दै आएका छौं, तर कहानी भने बेग्ला–बेग्लै हुन्छ ।’
यो समाचार नयुज २४ नेपालबाट लिईएको हो।
