काठमाडौं । दुई अक्टोवरबाट दर्शकमाझ रिलिजमा आएको ऋतिक रोशन र टाइगर श्रफ अभिनित फिल्म ‘वार’ले ८ औं साता पूरा गरेको छ । यो फिल्म अझैं पनि केही हलहरुमा प्रदर्शरत छ, भने बक्स अफिसमा ननस्टप कमाई गरिरहेको छ ।
‘वार’ले बलिउड बक्स अफिसमा अहिलेसम्म ३१८.१ करोड भन्दा बढीको ब्यापार गरिसकेको छ । ट्रेड एनालिस्ट तरण आदर्शले ‘वार’को लेटेस्ट आँकडा सार्वजनिक गरेको छ । एक्शन र एडभेञ्चरले भरिएको ‘वार’ले ८ औं सातामा ८ लाखको कमाई गरेको छ ।
तरण आदर्शले टाइगर र ऋतिकको यस फिल्मलाई ब्ल्कबस्टर फिल्म बताएका छन् । गान्धी जयन्तीको अवसरमा दर्शकमाझ रिलिजमा आएको ‘वार’ले एक्सटेंडेड विकेण्ड मिलेको थियो ।
फस्र्ट एक्सटेंडेड साता (९ दिन)मा फिल्मले २३८.३५ करोडको ब्यापार गरेको थियो । त्यस्तै ‘वार’ले दोस्रो साता ४९.६५ करोड, तेस्रो साता २१.३५ करोड, चैथो साता ५.३२ करोड, पाँचौं साता २.३४ करोड, छैटौं साता ७६ लाख, सातौं साता १६ लाख र आठौं साता ८ लाख गरी अहिलेसमम जम्मा ३१८.०१ करोडको ब्यापार गर्न सफल बनेको छ ।
२०१९ को सुपरहिट फिल्मको टप लिस्टमा ‘वार’ छ । यो फिल्मले बलिउडका कयौं रेकर्डहरु ब्रेक गरेको छ । त्यस्तै ऋतिक र टाइगरको करियरको सबै भन्दा सुपरहिट फिल्म पनि बनेको छ । फिल्मलाई सिद्धार्थ आनन्दले निर्देशन गरेका हुन् ।
यो समाचार नयुज २४ नेपालबाट लिईएको हो।
