काठमाडौं । बलिउड अभिनेता जोन अब्राहमको मोस्ट अवेटेड फिल्म ‘पागलपंती’ गत शुक्रबारबाट दर्शकमाझ रिलिजमा आइसकेको छ ।
२२ नोभेम्बरबाट दर्शकमाझ रिलिजमा आएको ‘पागलपंती’मा जोन अब्राहमको साथमा अनिल कपुर, अरशद वारसी, पुल्किट सम्राट, कृति खरबंदा, उर्वशी रौतेला र सौरभ शुक्ला लगाएत मुख्य भूमिकामा छन् ।
मल्टिस्टार ‘पागलपंती’को अहिलेसम्मको बक्स अफिसलाई नियाल्दा निकै निराशाजनक छ । बक्स अफिस कलेक्शनलाई समिक्षा गर्दा फिल्मले दर्शकहरुलाई खासै मनोरञ्जन गर्न नसकेको आँकलन गर्न सकिन्छ ।
बक्स अफिस इन्डियाका अनुसार ‘पागपंती’ले पहिलो दिन करिब पाँच करोडको ब्यापार गरेको थियो । त्यस्तै दोस्रो दिन ६.२५ करोड, तेस्रो दिन ८.३५ करोड, चौथो दिन २.५० करोड, पाँचौं दिन २.३५ र छैटौं दिन २.१० करोडको ब्यापार गरेको छ । साथै सातौं दिन १.९० करोडको मात्र ब्यापार गर्न सफल बनेको छ ।
अहिलेसम्म यो फिल्मले बक्स अफिसमा २८.३५ करोडको ब्यापार गरेको छ । फिल्ममा अरशद, जोन अब्राहम र पुल्किटले जबरदस्त कमेडीलाई जोड दिएका छन् । त्यस्तै अर्कोतर्फ अनिल कपुर र सोरभ शुक्लाले खतरनाक भिलेन बनेर सबैलाई मनोरञ्जन दिन कोसिस गरेका छन् ।
फिल्मलाई अनिश बज्मीले निर्देशन गरेका हुन् ।
यो समाचार नयुज २४ नेपालबाट लिईएको हो।
