काठमाडौं। फिल्म ‘झिंगे दाउ’को सेट बाट अभिनेत्री आँचल शर्मा निकै फरक गेटअपमा सजिएकी तस्वीर बाहिरीएको छ ।
आँचल सिउँदोमा सिन्दुर, घाँटीमा हरियो पोते र रातो गुन्यू चोलीमा सजिएकी तस्वीर सार्वजनिक भएको हो । त्यस्तै उनको हातमा हँसिया छ भने उनले घाँसको डोको पनि बोकेकी छन् । आँचललाई ‘झिंगे दाउ’मा फरक भुमिकामा देख्न सकिन्छ । फिल्ममा उनको जोडी मुकुन्द भुषाल हुन् ।
‘झिंगे दाउ’लाई ज्ञानेन्द्र देउजाले निर्देशन गरिरहेका छन् भने निर्माण पनि उनी आफैले गरेका हुन् । फिल्मको पटकथा तथा संवाद प्रदीप भारद्धाजले तयार पारेका छन् ।भकुन्डेबेसीमा छायाँकन भैरहेको फिल्मलाई विष्णु कल्पितले खिचिरहेका छन् ।
यो समाचार नयुज २४ नेपालबाट लिईएको हो।
