काठमाडौं । निर्देशक अनुराग बसुको आगामी फिल्म ‘लुँडो’ अर्को वर्षको २४ अप्रिलबाट दर्शकमाझ रिलिजमा आउने भएको छ ।
यो फिल्ममा अभिषेक बच्चन, राजकुमार राव, सान्या मल्होत्रा, फातिमा सना शेख, आदित्य राय कपुर, पंकज त्रिपाठी, आशा नेगी लगाएत मुख्य भूमिकामा छन् ।
कलाकारद्वय अभिषेक बच्चन र राजकुमार रावले फिल्मको पोस्टर सार्वजनिक गर्दै फिल्मको रिलिज मिति तोकेका हुन् । उनीहरुले पोस्टर सेयर गर्दै क्याप्शनमा लेखेका छन्, ‘आउनुहोस् ह्यासट्याग दिएर लुँडो खेलौं । सिनेमाघरमा २४ अप्रिल २०२० देखि ।’
बसुको पछिल्लो फिल्म जग्गा जासुस थियो, जुन २०१७ मा दर्शकमाझ रिलिजमा आएको थियो । उक्त फिल्ममा रणवीर कपूर र क्याट्रिना कैफ मुख्य भूमिकामा थिए । बक्स अफिसमा फिल्म सुपर फ्लप बनेको थियो ।
लुँडोसँगै २०१२ को थ्रिलर फिल्म ‘कहानी’को लोकप्रिय काल्पनिक चरित्र बाँब विश्वासको भूमिकामा पनि अभिनेता अभिषेक देखिदैछन् । सो फिल्मको सुटिङ २०२० को सुरुवातमै गरिने बताइएको छ ।
यता अर्का अभिनेता राज कुमार रावको फिल्म ‘शिमला मिर्ची’ भने ‘लुडो’ भन्दा अगावै रिलिज हुने बताइएको छ ।
यो समाचार नयुज २४ नेपालबाट लिईएको हो।
