काठमाडौं । सन्तोष सेनको आगामी फिल्म ‘प्रेमगीत–३’को छायाङ्कन मनाङमा धमाधम भइरहेको छ । यसैबीच निर्माण पक्षले फिल्मको नयाँ क्यारेक्टर पोस्टर सार्वजनिक गरेको छ ।
निर्माता÷निर्देशक सेनले आफ्नो फेसबुकमार्फत लिजेण्ड कलाकार सुनिल थापाको क्यारेक्टर पोस्टर सार्वजनिक गरेका हुन् ।
फिल्ममा समावेश कलाकार थापाको दुई वटा क्यारेक्टर पोस्टर सेयर गर्दै निर्माता÷निर्देशक सेनले क्याप्शनमा लेखेका छन्, ‘नेपाली चलचित्र इन्डष्ट्रीमा ‘राते काइला’ उपनामले चर्चित लिजेण्ड कलाकार सुनिल थापा ‘प्रेमगीत–३’ मा फरक अवतारमा आउँदै हुनुहुन्छ । आज उहाँको चरित्र फोटो सार्वजनिक गरेका छौं ।’
सार्वजनिक गरिएको दुई वटै पोस्टरमा कलाकार थापालाई फरक अवतारमा प्रस्तुत गरिएको छ । त्यस्तै निर्माता सेनले कलाकार थापाको क्यारेक्टर पोस्टर हेरेर प्रतिक्रिया दिन आग्रह गरेका छन् । साथै फिल्मको गीत, टिजर, ट्रेलरलाई पनि क्रमशः सार्वजनिक गर्ने जानकारी गराएका छन् ।
निर्माता सेनले दर्शकहरुका लागि उत्कृष्ट फिल्म पस्कनका लागि आफूहरुले मनाङको माइनस डिग्रीको चिसोमा मेहेनत गरिरहेको बताएका छन् ।
सन्तोष सेन र छेतेन गुरुङको संयुक्त निर्देशनमा बनिरहेको ‘प्रेमगीत–३’मा प्रदीप खड्का, क्रिस्टिना गुरुङ, सन्तोष सेन, शिब श्रेष्ठ, सुनिल थापा, माओत्से गुरुङ, पुस्कर कार्की, प्रेम पुरी, लक्ष्मी बर्देवा, योगिशा खत्री, समृद्धि शाही, अनुभव रेग्मी, जीवन बराल, सुजल बस्नेतलगाएत मुख्य भूमिकामा छन् ।
चैत २८ गतेबाट देशभर दर्शकमाझ रिलिजमा आउँदै गरेको यस फिलममा कल्याण सिंह र एलिश कार्कीको संगीत रहनेछ । त्यस्तै फिल्ममा राजेश श्रेष्ठको डिओपी, हिमाल केसीकाे एक्सन र कविराज गहतराजको कोरियोग्राफी रहनेछ ।
यो समाचार नयुज २४ नेपालबाट लिईएको हो।
