एजेन्सी । बलिउड अभिनेता सलमान खानले आज आफ्नो ५४औँ जन्मदिन मनाए । खानले भाइ सोहेल खानको घरमा जन्मदिन मनाएका छन् । सोहेलले आयोजना गरेको जन्मदिन विशेष कार्यक्रममा बलिउडका केही कलाकार समेत उपस्थित भएका थिए । जन्मदिनमा साहरुख खानदेखि कट्रिना कैफ, सोनाक्षी सिन्हा लगायतका बलिउड कलाकार पुगेका थिए ।
जन्मदिनको अवसरमा उनलाई उनका फ्यान, आफन्त र बलिउड कर्मीले शुभकामना दिइरहेका छन् । सन् १९६५ डिसेम्बर २७ मा जन्मिएका उनी आजसम्म बलिउडका सबैभन्दा सफल नायकको रूपमा चिनिन्छन् । पछिल्लो दशकमा मात्र सलमान अभिनीत १६ चलचित्रमध्ये १५ चलचित्र सय करोड क्लबमा प्रवेश गरेका छन् । यति बेला उनी अभिनीत चलचित्र ‘दबंग ३’ प्रदर्शन भइरहेको छ ।
यस फिल्ममा अभिनयको साथ स्क्रिप्ट लेखनको काम पनि सलमानले गरेका हुन् । फिल्ममा सलमानको साथमा सोनाक्षी सिन्हा,किच्चा सुदीप र साई मांजरेकरको मूख्य भूमिका रहेको छ ।
यो समाचार नयुज २४ नेपालबाट लिईएको हो।
