काठमाडौं, २० पुष । सलमान खान, किच्चा सुदीप, सोनाक्षी सिन्हा, सई मञ्जरेकरलगाएतको मुख्य भूमिका रहेको फिल्म ‘दबंग–३’ दर्शकमाझ रिलिमा आएको दुई साता पूरा भइसकेको छ । अझैं पनि फिल्मले बक्स अफिसमा राम्रो कलेक्शन गरिरहेको भारतीय मिडियाहरुले उल्लेख गरेका छन् ।
सुरुवाती आँकडालाई नियाल्दा फिल्मले गत शनिबारका दिन करिब एक करोडको हाराहारीमा व्यापार गरेको छ । शनिबारको कमाईसहित ‘दबंग-३’ले १६ दिनमा १५१ करोडको बक्स अफिस कलेक्शन गरेको बताइएको छ ।
विगत लामो समयदेखि नागरिकता संशोधन कानून (सीएए)को विरोध प्रदर्शनका कारण ‘दबंग–३’को कमाईमा निकै असर गरेको छ । विशेष गरी दिल्ली र युपीलगाएतका राज्यहरुमा फिल्मले राम्रो कमाई गर्नबाट चुकेको छ ।
२७ डिसेम्बरबाट दर्शकमाझ रिलिजमा आएको अक्षय कुमारको फिल्म ‘गुड न्यूज’ले पनि दबंग–३ को कमाईमा केही असर गरेको समिक्षकहरुको भनाइ छ । फिल्मले पहिलो दिन २४.५० करोडको व्यापार गरेको थियो ।
यो समाचार नयुज २४ नेपालबाट लिईएको हो।
