काठमाडौं, २० पुष । अभिनेता बरुण धवन र श्रद्धा कपुरको आगामी फिल्म ‘स्ट्रिट डान्सर–थ्रीडी’को नयाँ गीत सार्वजनिक गरिएको छ । फिल्ममा समावेश ‘इलिगल विपोन २.०’ गीतको भिडियोलाई शनिबार सार्वजनिक गरिएको हो ।
गीतको भिडियो रिलिज गरिएको २४ घण्टा नवित्दै १ करोड १८ लाख भन्दा बढी पटक हेरिएको छ । जैस्मीन सेंडलस र गैरी संधुको गीत ‘इलिगल विपोन’को नयाँ भर्सनलाई फ्यानहरुले खुब रुचाइरहेका छन् ।
सार्वजनिक गीतको भिडियोमा अभिनेत्री श्रद्धा कपुर र बरुण धवण फिचर्ड छन् । जहाँ बरुण र श्रद्धाको टीमले एक–आपसमा जबरदस्त प्रतिस्पर्धा गरेका छन् । यस गीतलाई तनिष्क बागचीले रि–क्रिएट गरेका हुन् ।
बरुण र श्रद्धा स्टारर् ‘स्ट्रिट डान्सर थ्रीडी’ गणतन्त्र दिवसको अवसरमा २४ जनवरीबाट दर्शकमाझ रिलिजमा आउँदैछ । यो फिल्मलाई रेमो डिसुजाले निर्देशन गरेका हुन् ।
टी–सिरिजको ब्यानरमा बनेको यो फिल्मको ट्रेलरलाई पनि दर्शकहरुले निकै रुचाएका थिए ।
यो समाचार नयुज २४ नेपालबाट लिईएको हो।
