काठमाडौं, २३ पुष । सलमान खानको फिल्म ‘दबंग–३’ले बक्स अफिसमा १५० करोड भन्दा बढीको बक्स अफिस कलेक्शन गर्न सफल भएको छ ।
भारतमा जारी विभिन्न विरोध प्रदर्शनका बाबजुद पनि फिल्मले १५० करोड भन्दा बढीको व्यापार गरेपछि अभिनेता खान निकै उत्साहित छन् ।
यसैबीच अभिनेता खानले ‘दबंग–३’मा भिलेनको भूमिका निभाएका कलाकार किच्चा सुदीपलाई उपहार दिएर धन्यबाद दिएका छन् । अभिनेता खानले उपहार स्वरुप किच्चा सुदीपलाई एक महंगो कार गिफ्ट गरेका हुन् ।
उत्साहिक हुँदै किच्चा सुदीपले पनि सलमान खानले उपहार स्वरुप दिएका कारलाई इन्स्टाग्राममा पोष्ट गर्दै धन्यबाद दिएका छन् ।
क्याप्शनमा उनले लेखेका छन्, ‘यदि तपाईले राम्रो काम गर्नुभएको छ भने तपाईको सँधै राम्रो हुन्छ । सलमान खानले मलाई यस लाइनमा भरोसा गरेर जीउन सिकाए । उनी उपहार लिएर मेरो घर आए । बीएमडब्ल्यू एम ५ । म र मेरो परिवारलाई दिनुभएकोमा धेरै धन्यबाद । तपाईको साथमा काम गर्नु र तपाई मेरो घर आउनु मेरो लागि सौभाग्यको कुरा हो ।’
सलमान खानको ‘दबंग–३’ दर्शकमाझ रिलिजमा आएको दुई साता भन्दा बढी भइसकेको छ । फिल्म रिलिज पूर्व प्रोमोशनका लागि सलमान आफैले पनि राम्रो मेहेनत गरेका थिए । फिल्मलाई प्रभुदेवाले निर्देशन गरेका हुन् ।
सलमान खान र किच्चा सुदीपका अलवा यो फिल्ममा सोनाक्षी सिन्हा, सई मञ्जरेकरलगाएत पनि मुख्य भूमिकामा छन् ।
यो समाचार नयुज २४ नेपालबाट लिईएको हो।
