काठमाडौं, १० फागुन । बलिउड अभिनेता विक्की कौशलको पहिलो हरर फिल्म ‘भूत : द हन्टेड शिप’ दर्शकमाझ शुक्रबारबाट रिलिजमा आइसकेको छ ।
विक्कीको यस हरर फिल्मलाई दर्शकहरुले मिक्स रिएक्शन र रिभ्यू दिएका छन् । अधिकांश दर्शकहरुलाई यो फिल्म उत्कृष्ट लागेको छ, तर केहि दर्शकहरुलाई भने फिल्म मन परेन ।
यसैबीच यो फिल्मको पहिलो दिनको बक्स अफिस कलेक्शन पनि सार्वजनिक भइसकेको छ ।
क्रिटिक्सले खराब रिभ्यू दिएपनि यो फिल्मले पहिलो दिन बक्स अफिसमा राम्रो व्यापार गर्न सफल बनेको छ । विक्कीको ‘भूत : द हन्टेड शिप’ले पहिलो दिन ५.१० करोडको कलेक्शन गर्न सफल बनेको छ ।
हरर थ्रिलर ‘भूत : द हन्टेड शिप’लाई भानु प्रतापले एक्शन कट गरेका हुन् । यो फिल्मको प्रोडक्शन करण जोहरले गरेका हुन् । फिल्ममा विक्कीको साथमा भूमी पेड्नेकर, आशुतोष राणालगाएत मुख्य भूमिकामा छन् ।
यो समाचार नयुज २४ नेपालबाट लिईएको हो।
