काठमाडौं, ३० असोज । जाले रुमाल ट्रेन्डिङमै रहेको बेला गायक बीरेन्द्र श्रेष्ठ आँसु र करुणाले भरिपूर्ण अर्को म्युजिक भिडियो बजारमा ल्याएका छन् । गायक श्रेष्ठले ‘परदेशीको जीवन बरिलै’ बोलको मन छुने म्युजिक भिडियो बजारमा ल्याएका हुन् ।
भावसागर कि अम्बिका गुरुङ्गको शब्द, दीपकराज बिश्वकर्माको सङ्गीत तथा एरेन्ज रहेको गीतमा उदयमान मोडेल निर्मल खत्री परदेशीको रोलमा देखिएका छन् । त्यस्तै निशा राई मुख्य फिमेल मोडलको रुपमा देखिएकी छन् ।
म्युजिक भिडियोमा बेरोजगारी, गरिबी, केही गर्न परदेश गएर कमाउने उत्साह बोकेका आम मानिसको भोगाइको प्रतिनिधित्व देख्न सकिन्छ । भिडियोमा झापा नाट्य घरका कलाकारहरुको बिशेष अभिनय देख्न सकिन्छ ।
६ बर्षिया कलाकार नानू धानु, मोडेल निशा राई, पेम्बा शेर्पा, गजेन्द्र पृथक, माया सिटौला, माधव सिटौला लगायतले अभिनय गरेका छन् । हास्य कलाकार टिकाराम आचार्यको निर्देशनमा बनेको म्युजिक भिडियोमा योगेस दहालको छाँयाङ्कन रहेको छ । उता गायक श्रेष्ठले भर्खर बजारमा ल्याएको जाले रुमाल बोलको म्युजिक भिडियो युट्युवको ट्रेन्डिङमै रहेको छ ।
(भिडियाे)
[embedded content]
यो समाचार नयुज २४ नेपालबाट लिईएको हो।
