काठमाडाैं, २८ कात्तिक । पत्रकार तथा गीतकार सुनिल कोइरालाको तिहार गीतको भिडियो बिहीबार सार्वजनिक भएको छ ।
प्रज्ञाश्वरी रेकर्डिङ्गको आधिकारीक युट्युब च्यानलबाट सार्वजनिक गरिएको भिडियो नेपालको काठमाडौं र भारतको सिलगुरी गरी दुई ठाउँमा छायाँकन गरिएको छ ।
आज भन्दा ६ वर्ष अगाडि नै रेकर्ड गरीएको गीतलाई यो वर्षमात्र भिडियो निर्माण गरिएको यस गीतका संगीतकार किरण कँडेलले बताए ।
तिहारमा बज्ने एउटै प्रकृतिको गीत भन्दा भिन्न प्रकारको गीत निर्माण गर्न उत्प्रेरित भई यो गीतको सृजना गरिएको गीतकार सुनिल कोइरालाले बताए ।
एउटै गीतमा देउसी र भैलो मिश्रित गीत निकै कम बनेकोले यो गीतलाई फरक र मौलीक रुपमा निर्माण गर्न कोसिस गरिएको संगीतकार किरण कँडेलको भनाइ छ ।
गीतमा किरण कँडेल, सुरज कुमार थापा, निकिता थापा, अनुष्का पाठकको स्वर रहेको छ भने भिडियोको निर्देशन शिवु श्रेष्ठले गरेका हुन् ।
भिडियाे-
[embedded content]
यो समाचार नयुज २४ नेपालबाट लिईएको हो।
