काठमाडौं, १२ मंसिर । ‘कुरा काट्ने मान्छेले काटुन्’ गीतका गायक सुवास पुरीले नयाँ गीत ‘तिम्रो बोली’को म्युजिक भिडियो सार्वजनिक गरेका छन् ।
दीपक शर्माको शब्द संगीतमा तयार भएको उक्त गीतको अडियो गायक पुरीले अमेरिकामा नै रेकर्ड गरेका हुन् । बैंशालु उमेरमा युवा युवतीले जानेर वा नजानेर देखादेख र हेराहेरमा नै गहिरो प्रेममा डुबेको आशय भिडियोमा देख्न सकिन्छ ।
भिडियोमा चर्चित संगीतकार तथा गीतकार दीपक शर्मा र टिक–टकस्टार उषा उप्रेतीको कलात्मक अभिनय रहेको छ । ‘देखावटी माया भन्दा मनभित्रको माया प्यारो हुन्छ’ भन्ने भावलाई निर्देशक युवराज वाइवाले कलात्मक तरिकाले भिडियोमा देखाउन खोजेका छन् ।
गायक पुरीका ‘जाउ न माया भागेर’, ‘हिमाल हल्लाउन सक्छु’लगायतका गीतहरु चर्चित छन् । गायक पुरीले उक्त भिडियो आफ्नै युट्यूव च्यानल म्यूजिक जक्सनबाट बजारमा ल्याएका हुन् ।
[embedded content]
यो समाचार नयुज २४ नेपालबाट लिईएको हो।
