काठमाडौं, २१ मंसिर । अस्ट्रेलियामा रहेका भर्सटायल कलाकार मिलन मिश्र अभिनित ‘देउन दिलमा दरबन्दी’ गीतको म्युजिक भिडियो सार्वजनिक भएको छ।
डान्सिङ शैलीको यस गीतमा गायिका अस्मिता अधिकारी र गायक उमेश खत्रीको युगल गायन रहेको छ । देवल भण्डारीको शब्द रहेको यस गीतलाई चर्चित संगीतकार दीपक शर्माले संगीतबद्ध गरेका हुन् । गीतमा नरेन्द्र वियोगीको संगीत संयोजन रहेको छ ।
युवा युवतीबीचको प्रेम र आकर्षणलाई प्रस्तुत गरिएको सार्वजनिक म्युजिक भिडियोमा मिलन मिश्र र अमुदा बिस्टको अनस्क्रिन रोमान्स देख्न सकिन्छ । केशब राज भट्टको कोरियोग्राफी रहेको भिडियोलाई उत्सव दहालले छायांकन गरेका हुन्।
भिडियोमा विकास दाहालको सम्पादन रहेको छ। रमेश मिश्र र शोभा मिश्र उत्पादक रहेका भिडियोलाई प्रकाश धितालको निर्देशनमा तयार पारिएको हो ।
[embedded content]
भिडियोलाई कलाकार मिश्रको अफिसिएल युट्यूव च्यानल ‘मिलअमु फिल्म्स’मार्फत् सार्वजनिक गरिएको हो ।
यो समाचार नयुज २४ नेपालबाट लिईएको हो।
