काठमाडौं, २१ मंसिर । आफ्नो हरेक भिडियोमा कथाको अलवा जीवन र भूगोललाई सुन्दर तरिकाले प्रस्तुत गरेर भिडियोलाई फिल्मी स्वरुप दिने निर्देशक विकाश सुवेदी निर्देशित ‘सरला’को म्युजिक भिडियो सार्वजनिक भएको छ ।
प्रलाद शाहको शब्द, निशान भट्टराईको स्वर र सुवास भुषालको संगीत रहेको ‘सरला’लाई भाका इन्टरटेन्टमेन्टले बजारमा ल्याएको हो ।
मधेशी समुदायमा व्याप्त दाइजो प्रथाले निम्त्याएको समस्या र पीडासँगै दुई फरक समुदायका युवा युवतीबीचको प्रेमकथा देखाइएको ‘सरला’मा मधेशी समुदायमा हुर्के–बढेका अभिनेता नाजिर हुसेनको उत्कृष्ट अभिनय रहेको छ ।
उनलाई अनु थापाले साथ दिएकी छन् । अन्तरजातीय प्रेम विवाह गरेपछि नाजिरको परिवारले दाइजो नल्याएको भन्दै अनुमाथि गरेको नराम्रो व्यवहारलाई भिडियोमा देखाइएको छ ।
[embedded content]
सागर प्रधानको क्यामेरा, जीवन थापाको सम्पादन र कलर ग्रेडिङ रहेको भिडियोलाई सार्वजनिक भएसँगै दर्शकहरुले उत्कृष्ट प्रतिक्रिया दिइरहेका छन् ।
यो समाचार नयुज २४ नेपालबाट लिईएको हो।
