काठमाडौं, १७ पुष । एस स्टडी वल्र्डले निर्माण गरेको गायक दिल तामाङको नयाँ गीत ‘नाचिदेउ बसन्ती’को म्युजिक भिडियो सार्वजनिक भएको छ ।
डीपी खनालको शब्द र शंकर थापा ‘स्माइल’को संगीत रहेको गीतलाई उदय राज पौडेलले एरेन्ज गरेका हुन् । भीमफेदी गाइज र एलिसा शर्माको दमदार अभिनय र नृत्य रहेको भिडयोमा पवन सुस्लिङको क्यामेरा र सम्पादन रहेको छ ।
भिडियोलाई निर्मल लामाको निर्देशन गरेका हुन् । ‘नाचिदेउ बसन्ती’को भिडियोलाई स्टार क्याडेटको अफिसियल युट्युब च्यानलमार्फत सार्वजनिक गरिएको हो ।
यो गीतको उत्कृष्ट कभर भिडियो बनाउनेलाई नगद १ लाख पुरस्कार दिने पनि प्रोडक्सनले जनाएको छ । एस स्टडी वल्र्डले यसअघि पनि राम्रा राम्रा गीतहरुको म्युजिक भिडियोको निर्माण गर्दै आइरहेको छ, भने यसलाई आगामी दिनमा पनि निरन्तरता दिइने कम्पनीले जनाएको छ ।
विगत लामो समयदेखि एस स्टडी वल्र्डले अस्ट्रेलियालगायत विश्वभर उच्च शिक्षा अध्ययन गर्न जान चाहने विद्यार्थीहरुलाई त्यहाको शिक्षा र अध्यागमन (इमिग्रेसन) सम्बन्धी यथार्थ जानकारी दिदै आइरहेको छ ।
[embedded content]
यो समाचार नयुज २४ नेपालबाट लिईएको हो।
